Ultimo juech de campionato

N Venerdi ai 05/04/18 ie la prima scuadra dl Gherdeina Rabanser Buandes jita a Tramin per l’ultimo juech per chesta sajon. Bele dan scumencè an cunstatà che l fova per tramedoi scuadres unfat sce i perdova o venciova che l Gherdeina ie da udei a mesa tlassifica y perchel resta la scuadra te la serie “B”. L Tramin ie tan dovia che enghe cun na venta fossi tumei ju tla serie “C”. Y nsci iela enghe stata che i jugadeures dl Tramin jugan co che n dij bel locker iesi stai boni de fe belau duc i ponc ora de un che a messu la de su cun Engl. Nsci ie jit ora l juech per 7 a 1 finan via cun 3108 chiedli y la mesaria de 518 per l Gherdeina contra i 3241 chiedli y la mesaria de 540.2 dl Tramin. A chesc pont ulessa l Gherdeina rengraziè la redazions dla Usc di Ladins y Radio Gherdeina per avei for dit tres i resultac y nia per ultimo enghe dui chei che liesc la Usc y scota su l sport dl lunesc. N bel salut y ala proscima.

I resultac:

Engl Colcuc                        585

Guido Stuffer                    525

Felix Insam                        520

Werner Runggaldier        516

Konrad Malsiner               503

Ewald Insam                     459

Per l Campionat de Gherdeina:  l Club de chidlè ulessa nvie ite dui canc n Sada ai 14 de Auril tla chidladoia de Selva a fe pea l campionat de Gherdeina. Scumencià veniel da mesa la doi mpo. Meteve adum te pitla scuadres per fe na pitla sfida danter vo che chel ie l plu da ri. L ie nia debujen de se nutè su ma cialede de nia uni massa tert per pudei finè via nteur la set.

Per l club de chidlè: Engl Colcuc