L derby ladin

N Venerdi ai 16.03.18 a la prima scuadra dl Gherdëina Rabanser Buandes jugà l derby ladin contra l Mareo. L juech dl’andata foa finà via cun en pareggio y perchel se ova tramedoi scuadres n dre respet una cun l’autra. Al Gherdëina ti ala butà dret dassen bele dal scumenciament cun Guido y Werner che ie piei danora a var plen trajan ite n vantaje de 65 chiedli. Tl segondo turno a Konrad y Georg fat en 1 a 1 y enghe ei doi a mo venciù 19 chiedli lepro. Sen fovela bendebo dura per l Mareo che fova zruch de 84 chiedli y cun doi averseres plutosc riei da bater. Y nsci iela stata cun Flavio y Engl che a purtà l resultat a 7 a 1 ne ti lascian deguna puscibilità al Mareo de fe mo vel pont. Cun 3149 chiedli y la mesaria de 524,8 per l Gherdëina contra i 2989 chiedli y la mesaria de 498,2 dl Mareo ie nsci finà via chesc juech.

I resultac:

Engl Colcuc                        548

Georg Sommavilla           541

Guido Stuffer                    527

Flavio Prinoth                   523

Werner Runggaldier        514

Konrad Malsiner               496

N Sada ai 16.03.18 a la segonda scuadra dl Gherdeina jugà te Ridnaun contra l Ratschings y tlo ne ala nia dre butà perdan l juech per 7 a 1. La ne ie nia jita bele dal scumenciament dl juech cun Hansi y Stefan che a perdù tramedoi. Inanyt iela jita cun Viktor z Miguel y tlo iela jita ora valiva cun en 1 a 1. Ewald y Felix essa sen messù vencer tramedoi per pudei avei la puscibilità de valivè ora l juech ma i ultimi doi dla scuadra aversera se a dejmustrà bendebo stersc y a chela maniera iela jita ora cun na piersa. Cun 2745 chiedli y la mesaria de 457,5 per l Gherdeina contra i 3010 chiedli y la mesaria de 501,7 per l Ratschings ie nsci finà l juech.

I resultac:

Stefan Gatterer                475

Viktor Werdaner              468

Ewald Insam                     464

Felix Insam                        461

Hansi Demetz                   451

Miguel Moroder               426