N bel juëch dla segonda

N Juebia ai 01 de Merz a la prima scuadra dl Gherdëina Rabanser Buandes jugà te Selva contra l Kiens che ie prim te tlassifica. Chesc prim post ai dejmustrà de meritè vencian contra l Gherdëina per ben 8 a 0. Purtruep ne ti iela jita fata nianca a un n jugadëur dl Gherdëina a tre cà n pont. Finà via ie chesc juëch cun 3057 chiedli y la mesaria de 509,5 dl Gherdëina contra i 3223 y la mesaria de 537,2 dl Kiens.

I resultac:

Engl Colcuc                        556

Guido Stuffer                    507

Georg Sommavilla           524

Werner Runggaldier        511

Flavio Prinoth                   509

Konrad Malsiner               450

La segonda scuadra dl Gherdëina a jugà n Venerdi ai 02/03/18 enghe te Selva contra l Mareo. Tlo iela pieda via perdret nia dre ben per l Gherdëina che do l prim set che ie finà via per 1 a 1 ma cun 22 chiedli a vantaje dl Mareo. Cun Ewald y Felix ie po l Gherdëina pia dan ora vencian tramedoi ponc y trajan ite i 22 chiedli n davanian mo 61 lepro. Sen cialovla ora dret ben per Miguel y Thomas che a valiva ora cun en 1 a 1 ti set ti lascian mo 24 chiedli al Mareo, ma chei ne ti a nia bastà ai averseres y nsci se a l Gherdëina teni i doi ponc n cesa. Finà via ie l juech per 6 a 2 cun 2796 chiedli y la mesaria de 466 per l Gherdëina contra i 2746 y la mesaria de 458,2 dl Mareo.

I resultac:

Thomas Demetz               504

Ewald Insam                     500

Felix Insam                        500

Stefan Gatterer                460

Viktor Werdaner              439

Miguel Moroder               393