N bel juëch N Venerdi ai 16/02/18 a la prima scuadra dl Gherdëina Rabanser Buandes jugà te Selva vencian contra l Lana. Scumencià ala dret ben cun Guido y Werner che ie piei danora vencian tramedoi. Tl segondo set cun Georg y Flavio ie sta venciù mo n pont che ie sta cunfermà mo ala fin da Konrad y Engl che a tra ca mo l quarto pont. Cun chisc cater ponc y i doi ponc dla partida iela nsci fineda via per 6 a 2. Sce n pensa che uni jugadëur tira 120 colp, sun 6 jugadëures ie chel 720 colps per scuadra, po ie l juech finà via bendebo valif che ala fin la defrenzia danter la doi scuadres fova me de 13 chiedli. Cun 3049 chiedli y la mesaria de 508.2 per l Gherdëina contra i 3036 chiedli y la mesaria de 506 dl Lana ie nsci finà l quarto juëch dl ritorno. I resultac: Werner Runggaldier 535 Engl Colcuc 523 Guido Stuffer 520 Georg Sommavilla 516 Konrad Malsiner 481 Flavio Prinoth 474 La segonda scuadra dl Gherdëina a enghe jugà te Selva n Juebia ai 15/02/18 contra l Prichsna. Purtruep ne ti iela nia jita fata a ti vester a chesta scuadra che se a dejmustra bendebo starscia vencian ala fin de 157 chiedli. L juëch a scumencià dret ben cun Stefan y Siegfried che a venciù tramedoi jan inant cun Martin y Felix che a messù de ju l pont y tlo muessun ben di cun mpue de sfertuna che Felix perdova i set propi me de un o doi chiedli. Sce la ti essa mpuè butà po fossa sta puscibl fe n 4 a 4 davia che ala fin a Thomas y Miguel mo fat n pont, nsci foa l resultat finel de 5 a 3. Cun 2672 chiedli y la mesaria de 445.3 dl Gherdëina contra i 2829 chiedli y la mesaria de 471.5 dl Prichsna ie nsci finà chesc juech. I resultac: Stefan Gatterer 525 Thomas Demetz 465 Felix Insam 445 Siegfried Prinoth 428 Miguel Moroder 424 Martin Lechner 385