Doi de stlet juesc Na stleta ena sibe per la prima che per la segonda scuadra dl Gherdeina Rabanser Buandes. La prima ie stata n Sada ai 10/02/18 a Deutschnofen contra l Welschnofen. Chesa scuadra ie bendebo sterscia n cesa y a nia ti a juà la bela mesaria de 525 chiedli al Gherdeina che se a cumpurtà dret ben y cun en pue de fertuna pra un o l’auter satz fossla enghe jita a se tre cà n pareggio. Finà via ie l juech per 6 a 2 cun 3147 y la mesaria de 525 per l Gherdeina contra i 3236 y la mesaria de 539 dl Welschnofen. I resultac: Engl Colcuc 545 Guido Stuffer 542 Flavio Prinoth 535 Georg Sommavilla 525 Werner Runggaldier 518 Konrad Malsiner 482 La segonda scuadra dl Gherdeina a jugà n Merdi ai 6/02/18 ora de cesa contra l Pfalzen che se a teni i doi ponc dla partida vencian per 7 a 1. L suzed for ino che te vel chidladoies se fej la scuadra che ven ora de ca plu fadia y Pfanzen ie una de chestes y enghe sce a ti cialè ne semea nia che la fossa gran autramenter de n autra po la scuadra de cesa se nuzè del vantaje dla cunesce dret ben. Mplu ie da di che la segonda scuadra ie tlo per fe jughè enghe i jugadeures che ne a mo nia tan de esperienza de juech y chel po fe ora ala fin na gran defrenzia de chiedli sun l’averser, ma chesc muessa uni fat nsci a na maniera che enghe i plu deibli devente boni. L juech ie finà via cun 2499 chiedli y la mesaria da 417 per l Gherdeina contra i 2872 y la mesaria de 479 dl Pfalzen. I resultac: Felix Insam 464 Stefan Gatterer 459 Ewald Insam 456 Miguel Moroder 390 Martin Lechner 366 Oskar Runggaldier 364