Cun l chidlè vala inant

N Mierculdi ai 24/01/2018 a scumencià i juesc dl ritorno. Per la prima scuadra dl Gherdeina Rabanser Buandes ne iela nia jita ora co che n se aspitoa jugan contra la scuadra dl Rodeneck che fova ultima te tlassifica. Purtruep per l Gherdeina a chesta scuadra fat si mieur juech dla saison jugan n cesa ulache monce ei se fajova marueia de co che i a jugà. Chesc dejmostra mo n iede che tl sport ne pon mei savei danora co che la po ji y n muessa danieura, sce n ie dasseui o te scuadra, vester anjiniei sibe fisiscamenter che mental per vester boni de dut dal scumenciament ala fin, che l resultat finel ie chel che conta. Purempo ne ie nia da vester grames per i proscimi juesc.

La segonda scuadra scumencia n ena plu tert.

I resultac:

Guido Stuffer                    550

Engl Colcuc                        545

Flavio Prinoth                   510

Werner Runggaldier        504

Georg Sommavilla           496

Konrad Malsiner               487