Na vënta che n se aspitoa nia N Sada ai 28/10/17 a la prima scuadra dl Gherdëina Rabanser Buandes jugà ora de cesa contra l Kiens. La Chidladoia de Kiens ie cunesciuda da dui sciche ria da ti vester y la scuadra de cësa po se nuzè dl vantaje dla cunescer bën. Chest’iede ne ti iela nia jita fata contra n Gherdëina che al mument ie sterch sciche mëi y cun n 1 a 1 de Guido y Flavio daldo n 1 a 1 de Werner y Konrad finan via cun 2 a 0 de Georg y Engl ti a l Gherdëina teu ju 4 ponc dla partida y mplu i 2 ponc de i 83 chiedli venciui. Fina via ie l juëch cun 2992 chiedli y la mesaria de 498.7 dl Gherdëina contra i 2909 y la mesaria de 484.8 dl Kiens. I resultac: Engl Colcuc 522 Werner Runggaldier 513 Georg Sommavilla 506 Guido Stuffer 499 Flavio Prinoth 493 Konrad Malsiner 459 Nsci purtruëp ne ti iela nia jita fata ala segonda scuadra dl Gherdëina che a jugà n Juebia ai 26/10/17 a Mareo. Tlo se a i jugadëures de Mareo nuzà pleinamenter de si vantaje de jughè n cesa ne ti lascian al Gherdëina nianca un en pont. Ala scuadra dl Gherdëina ti mbincion samben che la ti vede fata a vencer un o l’auter de i proscimi juësc. L juëch ie finà via cun 1820 chiedli y la mesaria de 424.3 per l Gherdëina contra i 2886 y la mesaria de 477.7 dl Mareo. I resultac: Stefan Gatterer 458 Viktor Werdaner 443 Oskar Runggaldier 439 Felix Insam 429 Hansi Demetz 423 Martin Lechner 354