L Gherdëina 1 ie n forma

N Juebia ai 19/10/17 a la prima scuadra dl Gherdëina Rabanser Buandes jugà te Selva contra l Bruneck. A jughè contra chesta scuadra stan perdret mpue ert che lepro iel jugadëures che sce i a n bon di po iesi boni de bater j una mont de chiedli.  Ma l Gherdëina se a cumpurtà dret ben scumencian cun Konrad y Werner che a venciù tramedoi jan danora de 90 chiedli. L segondo turno ie jit ora 1 a 1 cun Flavio y Guido che a enghe mo tra ite 14 chiedli. Sen fovela per Georg y Engl plutosc saurida y nsci iela stata che cun en 1 a 1 y mo 46 chiedli se an teni n cesa i doi ponc dla venta. Finà via ie l juëch cun 3174 chiedli y la mesaria de 529 per l Gherdëina contra i 2090 y la mesaria de 504 dl Bruneck.

I resultac:

Georg Sommavilla           546

Werner Runggaldier        541

Engl Colcuc                        536

Konrad Malsiner               525

Guido Stuffer                    516

Flavio Prinoth                   510

Nia tan ben ti iela jita ala segonda scuadra dl Gherdëina che n Venerdi ai 20/10/17 ti a lascià dui i ponc ala Hölzerne 9 de Tluses. Tlo pon propi di che l juech ie pia via melamenter y nsci se al trat inant nchin ala fin. L’unico che ova na pitla puscibilità de se tre ca n pont fova Hansi che cun en 2 a 2 ti esa bastà 13 chiedli per vencer si juëch. Nsci iela fineda via cun 2788 y la mesaria de 464.7 per l Gherdëina contra i 2961 y la mesaria de 493.5 dla Hölzerne 9

I resultac:

Felix Insam                        490

Demetz Thomas               483

Ewald Insam                     473

Hansi Demetz                    462

Stefan Gatterer                452

Miguel Moroder               428