Na bela venta

Y enghe l terzo juech ai 06/10/17 dla prima scuadra dl Gherdeina Rabanser Buandes ie finà cun na bela venta contra l Welschnofen. Chest’iede ie l juech stat mpue plu rie di autri iedesc, ma jon damprovia. Scumencian cun Konrad y Werner che a finà via cun 1 a 1 ie sta tra ite m pitl vantaggio de 18 chiedli che ie riesc ji perdu tl segondo turno da Flavio y Guido che a finà via si juech cun 2 a 0. Tlo muessun ben di che te chesc set a jugà l mieur jugadeur dla scuadra aversera che a batu ju 552 chiedli, purempo fova l Gherdeina me zruch de 14 chiedli. Sen fova l juech tla mans de Georg y Engl che messova cialè a uni maniera de vencer tramedoi y tlo fovela danter Georg y si averser tan valiva che me chel dai nierves plu stersc pudoa vencer y tlo a Georg mustrà si qualiteies vencian de 10 chiedli. Engl se a fat plu saueri contra l sie che chel ne a dal scumenciament iuncà nia da seura perdan ben 118 chiedli. Nsci ie finà via l juech cun 3106 chiedli y la mesaria de 517.7 per l Gherdeina contra i 2992 y la mesaria de 498.7 per l Welschnofen.

I resultac:

Engl Colcuc                        563

Guido Stuffer                    536

Werner Runggaldier        517

Georg Sommavilla           509

Konrad Malsiner               497

Flavio Prinoth                   486

 N juech da dejmincè ie stat chel dla segonda scuadra n Juebia ai 05/10/17 te Selva contra l Pfalzen. L juech a scumencià melamenter y nsci se al trat inant per dut l temp. L’unico pont per l Gherdeina a fat Felix che ie stat bon de tre ju plu chiedli de si averser. Sun na tela ulon ti mbincè ala scuadra mpue plu fertuna y ngrum de chiedli ti proscimi juesc. L juech ie finà via cun 2664 chiedli y la mesaria de 444 per l Gherdeina contra i 2971 y la mesaria de 495.2 dl Pfalzen.

I resultac:

Felix Insam                        509

Stefan Gatterer                470

Ewald Insam                     458

Viktor Werdaner              448

Hansi Demetz                    417

Oskar Runggaldier            362